Homenaxe da SAR a todas as xogadoras e corpo técnico que participaron no CESA 2024
O balonmán galego non se entendería sen a forte canteira que ten en Redondela. Proba diso é a destacada participación de nenas e nenos deste municipio, que unha vez máis forman parte da selección galega. Estes deportistas preparan a súa participación no CESA 2025 (Campionato de España de Seleccións Autonómicas), que se disputará en Cataluña do 3 ao 8 de xaneiro.
Non só deportistas, senón tamén técnicos de Redondela formarán parte desta cita, como a adestradora Carla Abad e a delegada do equipo cadete masculino, Nerea Bouzón.
O concelleiro de Deportes, Iván Valles, quixo destacar «o excelente traballo realizado polos colexios e clubs de balonmán de Redondela coa súa canteira, o que se reflicte no feito de que estes nenos e nenas estean entre os mellores de toda Galicia nas súas respectivas categorías».
As xogadoras de As Choqueiras estarán representadas por Adriana Bouzón no cadete feminino.
Infantil feminino:
- Daniela Fernández (SAR)
- Daniela Míguez (SAR)
- Daniela Figueroa (SAR)
- Karla Fernández (SAR)
- Ángela Sánchez (BM Chapela)
Cadete feminino:
- Noa Portela (SAR)
- Candela Martínez (SAR)
- Adriana Bouzón (Choqueiras)
Xuvenil feminino:
- Alba Pérez (SAR)
- Julia González (SAR)
Infantil masculino
- Javier Orge Cruz (Culleredo)
Cadete masculino:
- Lois Alonso (BM Chapela)
- Óscar González (BM Chapela)
- Nicolás Alonso (BM Chapela)
Unha vez máis, Redondela amosa o seu potencial no balonmán, tanto en deportistas como en técnicos, cunha representación destacada que, sen dúbida, seguirá deixando a súa marca no deporte galego.
