A iniciativa parte da Asociación para a Defensa Ecolóxica de Galicia (ADEGA) xunto a Surfrider, Limpiarousa e ProxectoMarte e forma parte dunha campaña de recollida simultánea de limpeza de tarugos nas praias de toda a costa galega. O que se busca con esta primeira edición do Tarugotón, nome oc que se bautizou esta iniciativa, é recoller simultaneamente o máximo número posible de paus de batea. En Cesantes terá lugar o domingo 2 de febreiro ás 11:00 horas.
As persoas que o desexen poden participar na recollida previa inscrición no enderezo limpezapraias@gmail.com ou no teléfono 685023275.
Dende as asociación organizadoras así como dende o obradoiro de estudos locais Fernando Monroy de Cesantes, animan a todas as persoas a participar e compartir a súa experiencias en redes sociais a través da equiqueta #Tarugotón25, e animando a recoller o maior número de tarugos nunha hora.
Toda a información pódese consultar no siguiente enlace.
Os tarugos levan décadas nas nosas cosas, coas mareas vivas chegan ata a a franxa da marea máis alta, enredados nas algas, semienterrados ou no medio da vexetación, o que supón un problema para o ecosistema mariño. Dende Adega fan un chamamento a colaborar nesta recollida.
