O centro multiusos de Domaio acolle o venres 21 unhas xornadas que contará coa participación de diferentes investigadores que explicarán a represión na Guerra Civil e o franquismo na illa de Redondela. Participan o historiador Xosé Álvarez Castro, o investigador Dionisio Pereira ou a escritora Eva Mejuto, entre outros.
A charla inaugural será ás 17.15 horas impartida polo historiador Xosé Álvarez Castro, quen porá o foco principalmente nas execucións extraxudiciais que padeceron moitos presos na illa de Redondela.
A primeira das mesas redondas arrincará ás 18.00 horas baixo o título “En primeira persoa”. O investigador Dionisio Pereira lembrará a historia do moañés Luís Pérez Álvarez durante o seu paso por esta illa.
Intervirá tamén Juan González, un dos responsables do documental e libro “Aillados” quen recolleu unha gran cantidade de testemuños de galegos que estiveron presos en San Simón. Tamén haberá espazo para a memoria familiar con Queta Molas, que é filla dun represaliado de Marín. Contará a historia do coro que formaron os presos no lazareto e do que o seu propio pai formaba parte.
A última das mesas, ás 19.45 horas, titulase “O futuro de San Simón”. Nela a escritora Eva Mejuto proporá formas de transmitir a historia da illa aos máis novos. Matías Rodríguez de la Torre, portavoz de Iniciativa Galega pola Memoria, explicará os pasos que deu esta entidade para protexer este emprazamento “de cara a evitar que no futuro sigan realizándose neste espazo actividades pouco respectuosas coa memoria dos presos”.
As xornadas están organizada pola concellería de Memoria Histórica e Patrimonio do Concello de Domaio.
