Esta fin de semana foi moi frutífero para os deportistas do Ximnasio Omnihum de Redondela, quen conseguiu destacados logros en dúas importantes competicións: o Campionato de España de Poomsae, celebrado en Sant Vicent do Raspeig (Alacante), e o torneo Vila de Moaña.
No Campionato de España de Poomsae, celebrado en Alacante, os representantes de Omnihum leváronse nada menos que cinco medallas de ouro, destacándose en varias categorías. Bea Queiro, en individual Máster 3, coroouse cunha medalla de ouro, e xunto a Manuel San Martín lograron outro ouro na categoría de parella +60. Elena González, pola súa banda, liderou o trío na categoría 30-50 anos, obtendo tamén o primeiro lugar. Ademais, Brais Fernández alzouse con dous ouros, un en individual P40 e outro en parella inclusiva, demostrando o seu gran talento e dedicación.
Ademais, nosa árbitro de Redondela, Conchy Martínez Carballo, tamén estivo presente neste gran evento, contribuíndo a que todo transcorrese coa máxima profesionalidade.
Con estas impresionantes vitorias, Bea Queiro, Manuel San Martín e Elena González conseguiron a clasificación para o Campionato de Europa, que se celebrará os días 16 e 17 de abril en Tallinn, Estonia. Unha gran oportunidade para representar a España no ámbito internacional.
Pero os éxitos non quedaron alí. No torneo Vila de Moaña, que tamén tivo lugar esta fin de semana, o equipo do ximnasio obtivo varias medallas máis. Javier Pazos conseguiu a prata en infantil -32kg, mentres que Anxo Rey fixo o propio en infantil -40kg. Ademais, Iago Mera e Ana Otero levaron bronce nas categorías de precadete -30kg e Junior -63kg respectivamente, e Abel Couñago coouse tamén no podio cun bronce en Junior +78kg.
Unha fin de semana chea de éxitos que deixa o nome de Redondela no máis alto.
