O programa de promoción de uso do galego chega esta tarde ao Multiúsos do Piñeiral do Crego cun concerto centrado no repertorio en galego. A partir das 19:00 horas poderase escoitar música de Reveriano Soutullo así como poemas musicados de Rosalía, de Curros ou textos de Castelao. O concerto é de balde.
A Coral o Piñeiral e o alumando da Escola de Música de Chapela será o encargado de interpretar uns temas cheos de poesía e literatura. Quen puidera namorala, Lela, Adios ríos, adios fontes ou Fesa na eira son algúns dos temas que se escoitarán neste concerto que se completa cun faladoiro a cargo de Xurxo Martínez, investigador esecializado no Rexurdimento e na figura de Rosalía de Castro.
