Fotos: Alicia Tizón
As tradicionais comidas do Entroido animan unha xornada de festa na rúa e moita participación que continuarán durante a tarde co concurso de disfraces ás 17:00 horas, Queima do Meco a partir das 19:00 horas e música de Los Ásperos, banda tributo a Los Suaves a partir das 20:30 horas.
Unha actividades que obrigarán a pechar o tráfico no centro urbano dende as 16:30 horas ata o fin da festa dende a praza da Farola e ata General Rubín. A partir das 19:00 horas tamén se pechará a Avenida Ernestina otero, dende a catería Na Lúa e ata o Concello mentres dure a queima do meco.
A festa do Entorido continua este Martes con actividades a partir das 17.00 horas cando arranque o o Desfile-Concurso de Disfraces individual e colectivo que terá lugar diante dos soportais do Concello, lugar no que se poden inscribir aquelas persoas que queiran participar. A entrega de premios está prevista para ás 18.45 horas.
Os máis pequenos terán o seu espazo na Alameda Castelao con diferentes obradoiros desde as 17.00 e ata as 19.30 horas. As rúas contarán con moita animación da man da batucada de Latexo Percusión. O seu espectáculo de batucada mestura ritmos afro brasileiros con outros universos musicais como o reggae, o funk ou a salsa.
Ás 19.00 horas chegará a queima do Meco co espectáculo “Pachamama” de Troula Animación e o prendido da figura que quere significar o fin das ditaduras. Lembramos tamén a cita musical da xonrada a cargo do grupo Los Ásperos, banda tributo a Los Suaves, que se subirán ao escenario ás 20:30 horas na praza da Constitución.
Entroido en Chapela
O sábado día 18 celebrarase o Entroido en Chapela. As comparsas reuniranse ás 17.00 horas do alto da Encarnación. Ás 18.00 horas sairá o desfile acompañado polos percusionistas e tamborileiros de Aperta. Pecharán a comitiva os participantes do Enterro do Berete que fará o seu percorrido ata a praia de Arealoga. A queima do Berete será ás 20.15 comezará. A xornada pecharase coa música da discoteca móbil que comezará a sesión ás 20.45 horas no paseo marítimo de Chapela.
Fiada do Entruido e enterro da sardiña en Soutomaior
O Entroido tamén continúa en Soutomaior con diferentes cita de cara aos vindeiros días. Hoxe en Talo Río terá lugar un cita coa música e o baile tradicional, unha fiada amenizada polas pandereteiras de Gharghamala , pandereteiras de Aboal, as de TouTón de Pazos de Borbén, Pandereteiras de San Vicente e pandereteiras da Hermida. Todo aquel que queira unirse está convidado a participar nesta Fiada do martes de Entruido que se celebrará de 20:30 a 00:00h.
E para rematar o Entruido, o concello de Soutomaior volve recuperar o enterro da sardiña, unha cita que terá lugar este 5 de marzo, mércores de cinza, e que sairá ás 19:30h. da Praza de Cima de Vila. O percorrido será dende a Praza, pasando pola rúa Xosé Solla para finalizar no campo da petanca onde despediremos a nosa sardiña. Un evento no que colaborarán a Banda de Música Artística de Arcade, a Asociación da Xesteira, a Asociación Moreira a Tope e a Asociación Cultural Miúdos.
