O concello de Soutomaior recuperou o enterro da sardiña como parte das súas celebracións do entruido. Unha tarde de festa que rematou coa queima do peixe que ardeu ao berro de “libéranos sardiña” ao tempo que se ían escoitando os males que azoutan a sociedade e os choros das desconsoladas viúvas.
Unha tarde noite de festa que contou coa música da banda artística de Arcade, a animación da asociación Moreira A Tope e a Asociación Miúdos e a colaboración da asociación Veciñal da Xesteira. Un nutrido grupo de veciñas e veciños que non se amilanaron polo mal tempo e que de rigoroso loito acompañaron a procesión funeraria que percorreu o centro de Arcade ata o campo da Petanca onde tivo lugar o responso, bendición e á queima da Sardiña coa que se pon fin as celebración do Entroido en Soutomaior.
