A ONG Da Man impulsa unha campaña solidaria de recollida de gafas para levar ao Senegal no marco da continuación dos seus proxectos educativos e sanitarios, que inclúen, entre outras áreas, a oftalmoloxía. A iniciativa busca recoller gafas de sol ou de lectura, tanto para nenos como para adultos, co obxectivo de apoiar as necesidades visuais da poboación local.
O prazo para participar estende ata mediados de marzo, e as gafas poden entregarse nos seguintes puntos de recollida: Farmacia Reboreda, Café da Vila, Multióptica, Copy, Centro Recreativo de Cedeira, Centro Recreativo de Pazos de Borbén, Centro Óptico Redondela e, en Vigo, na Clínica de Enfermería Vigo.
Para obter máis información, a ONG pon a disposición o correo electrónico daman.org@gmail.com.
