A programación do Concello de Soutomaior de cara a conmemoración do Día Internacional da Muller leva por lema Matronalia e centra o seu foco na visibilización da figura da matrona cun recoñecemento especial para Marisol Santomé quen exerceu esta profesión na localidades ata o 2022. Unha programación que inclúe un concerto de balde a cargo de Guadi Galego o 7 de marzo no Multiúsos de Arcade.
A concelleira de Igualdade e Benestar Social, Rosana Martínez Boullosa explicaba a necesidade de poñer en valor esta profesión que representa a sororidade.
Como representante deste colectivo elixiron a Marisol Santomé, quen exerceu esta profesión en Arcade durante case dúas décadas (entre o 2004 e o 2022). Santomé recibirá o recoñecemento “María a das mil flores” nun acto que terá lugar o 14 de marzo e que chegará precedido do faladoiro “Improntas feministas. O Rol das matronas na historia” que se desenvolverá no Multiúsos de Arcade.
Tamén o Multiúsos acolle este venres día 7 o concerto “Síntese horizonte” de Guadi Galego ás 21:00 horas. Con entrada de balde as entradas poden recollerse antes do concerto no propio Multiúsos en horario de sete e nove.
A programación do 8M complétase con dous obradoiros que se desenvolverán nos meses de abril e maio baixo o nome “Climatéricas” e “Chan pélvico”.
