Este martes 18 de marzo, o campo de fútbol de Santa Mariña, en Redondela, acolleu unha dobre cita amistosa para as Seleccións Galegas Sub 12 masculina e feminina, que se enfrontaron aos equipos da canteira do CD Choco como parte da súa preparación para a fase única do Campionato de España, que se celebrará do 11 ao 13 de abril na Comunidade de Madrid.
No primeiro encontro, a Selección Galega Sub 12 masculina mediu forzas co Infantil A do CD Choco nun partido de fútbol 8. Os xogadores dirixidos por Lalo Suárez impuxéronse con claridade, logrando unha vitoria contundente por 1-5. O combinado galego mostrou un gran nivel de xogo, consolidando o seu traballo de preparación de cara ao campionato nacional.
Pola súa banda, a Selección Galega Sub 12 feminina, baixo as ordes de Ildara Pérez, enfrontouse ao Alevín A do CD Choco. Neste caso, o Alevín A do CD Choco logrou a vitoria por 5-2, nun partido moi disputado que serviu de gran experiencia para ambas as escadras.
Entre as xogadoras convocadas destacou a presenza de Claudia Vega, futbolista do propio CD Choco, que tivo a oportunidade de competir contra algúns dos seus compañeiros do club.
Estes encontros forman parte da recta final da preparación das Seleccións Galegas sub 12, que continúan afinando a súa posta a punto para o Campionato de España. Tanto Lalo Suárez como Ildara Pérez valoraron positivamente o rendemento dos seus equipos, destacando a importancia destes partidos para seguir crecendo de cara ao gran obxectivo da tempada.
