Os feitos producíanse ao redor das dez da noite do martes cando o home, de 67 anos de idade, sufría unha caída da moto que conducía tras saírse da vía no Camiño do Campiño en Cabeiro. Os axentes da Policía Local que se trasladaron ata o lugar comprobaron que o ferido estaba semiinconsciente por mor do golpe e por atoparse baixo os efectos do alcohol. Finalmente foi trasladado en ambulancia ata o Hospital Álvaro Cunqueiro.
A alerta activouse tamén no 112 Galicia logo de recibiren aviso dos profesionais de Urxencias Sanitarias de Galicia-061. Segundo a información que dispoñían, o motorista caera co seu vehículo na estrada e apenas respiraba ao caerse a moto enriba. Así, solicitouse a intervención dos membros do GES de Redondela e tamén dos Bombeiros de Vigo e Baixo Miño. Sen embargo, bastou a actuación do GES para facilitar o acceso dos sanitarios ao ferido, quen ademais do golpe presentaba evidentes signos de atoparse baixo os efectos do alcol.
Finalmente, foi trasladado ao centro hospitalario de referencia.
