Uralitas, pneumáticos, ferros, plásticos, material de construción, tarteiras, botellas de cristal e todo tipo de lixo foron retirados este sábado da contorna do río Maceiras en Chapela. A iniciativa, convocada pola Asociación de veciños de Chapela, reuniu unhas 25 persoas de todas as idades, voluntarios e voluntarias que retiraron en tan só dúas horas máis de 2000 kilos de lixo, material de refugallo que nunca debería ter ido a parar a canle do río nin as súas inmediacións.
Unha iniciativa que se celebra periodicamente e coa cal a asociación busca colaborar con medio ambiente así como realizar unha actividade de sensibilizacións sobre a necesidade de coidar a nosa contorna. O presidente do colectivo veciñal, Marcial Pérez, falábanos do resultado desta convocatoria.
Dende a Asociación agradecen a todos as persoas que se achegaron o sábado a esta limpeza que xa é “cuarta que facemos neste río porque está moi degradado” e insisten na necesidade de concienciar sobre as consecuencias de tirar o lixo en espazos naturais e non nos contedores e espazos destinados a súa reciclaxe. De feito, entre o retirado hai material especialmente contaminante como poidan ser as pranchas de uralita ou os pneumáticos, residuos nalgúns casos perigosos que deben ser retirados por empresas especializadas.
Dunas de corrubedo
Un colectivo veciñal que tamén busca ofrecer actividades de ocio a cidadanía polo que organizan o vindeiro sábado 5 de abril unha saída ao parque natural das dunas de Corrubedo, con visita a praia, faro e porto así como a Igrexa de Santa María, ao dolmen de axeitos e ao Mirador da Pedra da ra.
O prezo é de 50 euros os socios (55 os non socios) e 39 euros os nenos e inclúe a viaxe ida e volta en autobús así como o xantar nun restaurante e un guía. Inscrición no teléfono 649 376094.
