O Concello ofrece obradoiros durante as vacacións escolares de Semana Santa para nenos e nenas de 3 a 12 anos, en horario de 9.00 a 14.00 horas. As actividades son de balde e celebraranse no Conservatorio Municipal de Redondela e no Multiúsos do Piñeiral do Crego de Chapela.
As actividades son gratuítas e desenvolveranse os días 14, 15, 16 e 21 de abril, en horario de 9.00 a 14.00 horas. En Redondela os obradoiros serán no Conservatorio Municipal e os de Chapela no Multiúsos do Piñeiral do Crego. A rapazada que participe poderá gozar con obradoiros de manualidades, xincanas, teatro, xogos co música, baile e outras sorpresas. Ademais de divertirse, nenos e nenas poderán aprender sobre o patrimonio cultural e natural, a diversidade, a igualdade e o traballo en equipo.
As prazas limitadas e adxudicaranse por orde de inscrición. As persoas interesadas poden anotarse a partir de hoxe día 1 de abril no Multiúsos da Xunqueira ou no teléfono 986 402 865 no caso dos obradoiros en Redondela. En Chapela as inscrición serán no Multiúsos do Piñeiral ou no número 986 451 280.
A alcaldesa, Digna Rivas, explica que esta iniciativa pretende ofrecer ás familias “un tempo de lecer educativo para nenos e nenas que lles permitan compartir tempo con toda a rapazada e aprender de xeito lúdico, cunhas horas de ocio de calidade durante as vacacións de Semana Santa”. A rexedora sinala que estas actividades responden ao seu compromiso coas familias “poñendo en marcha iniciativas durante todo o ano cunha oferta didáctica e lúdica coa que cubrir as vacacións escolares da rapazada”.
