A Fundación Provincial Banco de Alimentos recaudou máis de 60.000 kilos de produtos de primera necesidade en toda a provincia nesta campaña organizada por Vegalsa-Eroski por noveno ano consecutivo. No noso concello a veciñanza achegou máis de 2200 kilos nunha acción solidaria desenvolvida os pasados 14 e 15 de marzo nos supermercados Eroski e Familia.
A acción celebrada a mediados de marzo contou con persoas voluntarias nos supermercados Eroski Center e Autoservicios Familia de Redondela. A nivel provincial, a Fundación recadou máis de 60.000 quilos de alimentos en máis de 40 establecementos adheridos á campaña. Unha cifra que é resultado de sumar os produtos físicos entregados, así como as doazóns dinerarias dos clientes ao pasar por caixa e a achega económica comprometida por parte da empresa galega.
O Banco de Alimentos agradece a resposta da cidadanía que, unha vez máis, púxose na pel das persoas vulnerables e achegaron o seu gran de area en forma de doazóns.
Actualmente, a Fundación atende na zona de Redondela a máis de 300 persoas vulnerables, a través de dous colectivos sociais cos que traballan: Aldeas Infantís e Cáritas Santiago de Redondela.
Durante 2024, o Banco de Alimentos repartiu ao redor de 1,4 millóns de quilos alimentos. Con carácter apolítico e aconfesional, na actualidade atenden unhas 20.000 persoas en situación de vulnerabilidade ás que chegan coa colaboración de 153 ONG e entidades.
