Os pilotos con base en Redondela Alex e Théo Gourdon, do Team GR Husqvarna, deron o pistoletazo de saída á tempada 2025 no Campionato Internazionale d’Italia de Supermotard, celebrado a pasada fin de semana en Nápoles. Os irmáns, recoñecidos como “Orgullo Redondelán” polos seus logros en 2024, demostraron unha vez máis o seu talento e ambición nesta primeira cita internacional do ano, aínda que con resultados dispares debido a un imprevisto.
Théo Gourdon brilla con dobre podio
Théo, de 20 anos, destacouse na pista napolitana ao conquistar a terceira posición en ambas as carreiras disputadas durante a fin de semana. Cunha pilotaxe sólida e consistente, o menor dos Gourdon demostrou estar en plena forma e listo para pelexar polos primeiros postos na xeral. A súa actuación en Nápoles posicionao como un serio contendente ao título do campionato, confirmando a progresión que xa mostrou en 2024, cando finalizou terceiro no Campionato de España de Supermotard.
Alex Gourdon, baixa por lesión
Pola súa banda, Alex, de 17 anos, non puido participar nas carreiras debido a unha caída durante os adestramentos que lle provocou unha luxación de ombreiro. O incidente, aínda que non reviste gravidade, obrigou ao vixente Campión de España e Subcampión de Europa FIM de Supermotard a retirarse da competición como medida de precaución. O equipo médico do Team GR Husqvarna confirmou que Alex xa está en proceso de recuperación e espérase que estea ao 100% para a próxima cita.
Próxima parada: Roma
A seguinte proba do Campionato Internazionale d’Italia de Supermotard terá lugar en Roma, do 24 ao 25 de maio de 2025. Théo chegará co obxectivo de consolidarse nos primeiros postos da clasificación, mentres que Alex espera reaparecer completamente recuperado para unirse á loita polo título. Os afeccionados galegos e internacionais estarán pendentes destes dous novos talentos, que prometen seguir levando o nome de Redondela todo o máis alto.
O Team GR Husqvarna agradeceu o apoio dos seus patrocinadores e seguidores, convidando a todos a seguir a evolución dos pilotos a través das súas redes sociais e as retransmisións oficiais do campionato. A tempada 2025 non fixo máis que empezar!
