Unha veciña de Redondela, de 25 anos, resultou onte ferida leve ao inhalar o fume provocado polo incendio da campaña extractora da súa cociña. O suceso produciuse ás 14.50 horas nunha vivenda da rúa Castelao, no centro urbano da vila.
Un descoido foi a causa do accidente, que provocou que parte da cociña comezase a arder. O lume foi sufocado cun extintor por efectivos do Grumir redondelán. Tamén acudiron ó lugar do suceso os bombeiros de Vigo e axentes da Policía Local de Redondela. A moza foi evacuada a un centro médico para ser atendida pola inhalación de fumes.
