Unha cita comercial que se consolida na Alameda de Redondela e que este ano duplica a oferta con respecto á edición anterior. Roupa, calzado e complementos serán os sectores máis representados, pero haberá outros como deportes, fogar, agasallos ou informática. Prolóngase toda a fin de semana, e na tarde do sábado celébrase tamén a Festa de Fin de Verán.
A feira consegue reunir unha ampla representación de toda a oferta comercial de Redondela, segundo explica Julia Alonso, da Asociación de Empresarios. Ademais a feira non se limita á oferta comercial, tamén haberá actividades paralelas de ocio, tanto par adultos como para nenos, con diferentes propostas en función das idades. A feira estará aberta ó público toda a fin de semana, tanto o sábado como o domingo con horario ininterrompido. Ás actividades súmase na tarde-noite do sábado a Festa de Fin de Verán, que ofrecerá un espazo para mozos e adultos na Pista da Xunqueira, e outro para nenos na Alameda. Haberá música, xogos e mesmo sorpresas, con algún “famoso” convidado. Alonso lembra tamén a importancia de ir vestidos de branco, xa que os que así acudan serán convidados a consumicións.
Todos os sectores estarán presentes na feira.
Haberá actividades paralelas para nenos e adultos.
Os hosteleiros despiden o verán cunha festa na que é recomendable vestir de branco.
