O conxunto de Fran Teixeira desprazouse ata San Joao de Pesqueira con moitas baixas para disputar este torneo, e regresou cun triunfo de gran prestixio cun marcador de 32-36. Os redondeláns tardaron algo en meterse no partido, pero pouco a pouco melloraron posicións na defensa e aproveitaron o contraataque para marcar diferencias.
O Solla&Cía Chapela, que esta temporada volve á División de Honor Prata, desprazouse a Portugal coas baixas de Fabián, Casal e Toño, por motivos laborais, e a de Óscar, que continúa a recuperarse da fractura de tabique nasal sufrido no partido contra o Cangas. Teixeira desprazou a xogadores do equipo territorial e xuvenís, que fixeron un gran encontro, e xa no tempo de descanso gañaban de tres goles (17-20). Este mércores, día 4 de setembro, xogarán en Pontevedra o Trofeo da Peregrina diante do Teucro.
