A programación do Entroido inclúe na tarde do martes a tradicional Queima do meco a cargo da agrupación Troula, cun espectáculo de nova creación na que unha carroza de grandes dimensións irá acompañada de marionetas xigantes que percorrerán o centro da vila. Haberá tamén actividades para os cativos na Praza da Constitución e verbena coa orquestra Suavecito.
A concelleira responsable de festas, Herminda Quelle explica que o desfile das comparsas partirá ás seis da tarde dende o Campo da Feira para percorrer as rúas do casco urbano. En total 18 comparsas, das cales son 15 as que entran a concurso. Un programa no que se inclúe tamén a tradicional queima do meco, un boneco que este ano quere representar a adicción aos videoxogos e que estará exposto no balcón do concello a partir do venres. A compañía Troula será a encargada do espectáculo de animación e lume que se vivirá na tarde do martes, unha xornada na que haberá tamén animación musical e verbena coa orquestra Suavecito. Os máis pequenos poderán gozar de actividades para eles na praza da Constitución. E xa para concluír o Entroido 2014 despedirase o sábado 8 de marzo co tradicional Enterro do berete en Chapela
Fálanos do desfile de comparsas do domingo
Un espectáculo a cargo da agrupación Troula
Chapela vivirá o seu día grande o sabádo 8
