Tito Spaghetto chega a Redondela coa obra de teatro “Esos extraños cacharros de mi papá”

Teatro familiar para esta fin de semana cunha obra que chega da man de Tito Spaghetto, quen pon en escena unha peza de teatro ambulante escrita, dirixida e interpretada por el mesmo. A representación terá lugar o domingo día 20 ás 18:30 horas no Multiusos da Xunqueira. O prezo da entrada é de 5 euros. Farase ademais unha traducción simultánea en linguaxe de signos para persoas con problemas de audición.

O personaxe principal desta obra é Manu, un neno que descubrirá como o seu medo pode transformarse en maxia logo de descubrir unha porta detrás da cal se agachan un estraños cacharros. Obra escrita, dirixida e interpretada por Tito Spaghetto quen explica que se trata dunha peza de teatro ambulante ao estilo do Século de Ouro (un bululú) orientada ao público familiar.