A escola de ciclismo Redondela Condisoil, fundada polo ex ciclista Marcos Serrano hai tan só un par de anos, está de parabéns logo de que un dos seus corredores, Daniel Rodríguez se fixera esta fin de semana co segundo posto no campionato de España escolar de ciclismo, unha proba de 58 quilómetros que se disputou na fin de semana en Jaén.
A Escola de Ciclismo de Redondela continúa colleitando éxitos tan só dous anos despois de que o exciclista profesional, Marcos Sérrano decidise poñela en marcha ante a demanda de moitos afeccionados. O último dos seus triunfos chegoulles esta fin de semana cando un dos seus corredores, o redondelán Daniel Rodríguez se alzaba co segundo posto no campionato de España escolar de ciclismo no que se enfrontan ciclistas da categoría cadete, de 15 a 16 anos, e que se disputaba en terras andaluzas.
