O obxectivo que se marcan os socialistas de cara a estas eleccións municipais pasa necesariamente por incrementar o número de representantes cos que contan actualmente, con tan só un edil na corporación de Soutomaior. Centran o seu programa en dous eixos principais: no emprego e na transparencia.
A candidata do PSOE, Verónica Montero salienta como principal problema do concello de Soutomaior “a pouca oferta laboral, principalmente entre os máis novos que fai que estean a marchar do municipio”. Asegura que dende a administración local hai moitas medidas que se poden adoptar orientadas a mellorar a empregabilidade como por exemplo a realización de cursos de formación ou incluso promover a hostalaría e outras empresas de ámbito local para crear postos de traballo.
Emprego e transparencia son os eixes do seu programa
Mellorar a empregabilidade dos parados con cursos de formación
