O auditorio da Xunqueira acolle este sábado 13 ás 21:00 horas o concerto a cargo da artista galega Sheila Patricia. Cantautora e intérprete, tráenos ao concello de Redondela o seu traballo “El Camino de los sueños”, un espectáculo no que destaca a canción de autor, o fado ou a bossa.
O concerto preséntase en formato cuarteto no que Sheila Patricia na guitarra e na voz estará acompañada de María Aguete García (guitarras e baixo), Sammi Serrano (piano) e Dam Santana na percusión.
Súmanse ao espectáculo na área de danza Tatiana Gonzalez e a poeta galega Xulia Maria que fará a ambientación poética.
