Durante toda a xornada do sábado e o domingo disputaranse os partidos nas categorías sénior, tanto masculina como feminina do II Trofeo Concello de de Redondela-Campionato Galego. O concelleiro de Deportes, Julio Mougán, destaca a importancia de situar ao areal de Cesantes como un dos referentes do deporte de praia en Galicia.
Para o edil é algo moi positivo “completar a oferta de ocio do areal coa práctica de deportes”, e aposta porque Redondela poña en valor un marco tan excepcional como a enseada de San Simón. Con anterioridade xa se disputaron torneos de “futvoley”, e tamén de balonmán praia, tanto en Cesantes como na praia de Arealonga, en Chapela. A competición terá lugar o sábado desde as 10.00 ata as 21.00 horas e o domingo de 10.00 a 20.00horas.
Mougán quere promover as praias de Redondela como escenario de eventos deportivos.
