O BNG de Soutomaior organiza este xoves ás 20:00 horas unha charla informativa sobre a Lei de Acuicultura. Unha actividade aberta que contará coa presenza e intervención do deputado e portavoz do bloque na comisión de pesca do parlamento galego, Dani Rodas e o voceiro municipal do BNG en Soutomaior Manu Lourenzo. A charla terá lugar na biblioteca de Arcade.
Unha charla coloquio na que se abordarán as cuestións máis polémicas dunha lei que está a ser moi contestada dende o sector que a ven como unha privatización do mar a favor das grandes empresas de acuicultura. Alertan tamén das negativas repercusións que tería de chegar a aplicarse sobre a pesca artesanal e sobre o medio ambiente mariño.
