O obradoiro de estudos locais Fernando Monroy de Cesantes organiza a XI edición do seu concurso fotográfico co obxectivo de incentivar a actividade fotográfica sobre o entorno potenciando a súa difusión e coñecemento. O prazo de presentación de traballos está aberto ata o vindeiro luns 14 de novembro e repartiranse 600 euros en cinco premios. O Obradoiro realizará unha exposición coas fotografías de todos os participantes.
O obxectivo desta iniciativa é promover actividade fotográfica debendo os interesados presentar os seus traballos antes do 14 de novembro. Poden participar no concurso todas as persoas que así o desexen e do mesmo xeito que nas últimas edicións, a temática é libre. Establécense dúas categorías, unha para xuvenís ata 16 anos e outra para adultos.
O lugar de entrega das fotografías e o Círculo Cultural e Deportivo de Cesantes. As fotografías deberán facerse en formato impreso (30×20 de máximo) e tamén aportar un arquivo dixital coas fotos.
Para ter máis información pódese consultar a páxina web da asociación www.estudoslocais.org
