O Concello celebra este xoves os actos previstos para a semana pasada co gallo do 180 aniversario do nacemento de Rosalía de Castro e que foran pospostos por mor do asasinato de violencia de xénero de Chapela. Consistirán na lectura dunha declaración institucional ás 12:00 horas, un recitado de poemas por escolares e a intervención do presidente da Fundación Rosalía de Castro, Anxo Angueira. Actos todos eles que estaba previsto organizar na Alameda, aínda que previsiblemente e ante a situación meteorolóxica haberá que desprazar ao interior do concello.
O técnico do servizo de Normalización Lingüística, Xurxo Martínez apuntaba a necesidade de reivindicar unha figura de Rosalía en todas as súas dimensión (humana, literaria, intelectual, lingüística, comprometida…) e aproveitar para demandar o uso do idioma. “Non é simplemente unha poeta que escribe en lingua galega, é unha figura exemplar en moitos aspectos, e unha intelectual de carácter universal”.
Unha intelectual de carácter universal
O xoves ás 12:00 horas
Os actos foron pospostos por mor do asasinato de Chapela
