O Multiúsos da Xunqueira acolle este domingo día 14 ás 20:00 horas a actuación do grupo de música tradicional revisada, Tr3sporc4tro. Un concerto no que Carlos do Viso, Paco da Fonte e Vento presentan o seu último traballo composto por doce títulos como O Corno, Pasodoble da auga, Jota para Ishtar ou O Pano de namorar. As entradas están á venda no Multiúsos a un prezo de 3 euros.
O grupo, composto polos músicos Carlos do Viso (Mandola, pandeireta e voz) Vento (Acordeón e voz) e Paco da Fonte (Gaita e voz), preséntanos un traballo que se compón de doce títulos, compostos por Paco da Fonte e Músicas de Ultramar, “que nos levan nunha viaxe cara á alegría, a festa e a celebración, pasando polo baile e a tradición cunha ire espontáneo e novo que sorprenderá”.
Músicos xa de traxectoria en Redondela e terras próximas contan neste traballo coa colaboración doutros músicos como Bernardo Lago (Harmónica) e Alberto López (percusión).
