O éxito da campaña, cunha elevada demanda para alugar o serivizo de kaiak, levou ao Concello de Soutomaior a ampliar a actividade ata o domingo, 2 de setembro. Deste xeito os interesados poden seguir alugando unha embarcación na praia do Peirao de Arcade ao prezo de 1 euro para os empadroados, 2 euros para o resto de usuarios.
Os horarios serán pola mañá de 11.00 a 14.00 horas e pola tarde de 16.00 a 20.00 horas. Os menores de idade terán que ir acompañados dun adulto responsable, ou ben os acompañará un monitor da actividade.
