Os de Redondela conseguiron deixar os tres puntos en Santa Mariña. Malia que o Polvorín se adiantou no marcador, os de Gonza Fernández seguen invictos como locais. Outra cousa son os resultados fóra, xa que os choqueiros perderon en todos os seu desprazamentos.
Terceira División
Choco 3-1 Polvorín
No referente ao duelo de onte, comezou anotando o ex-choqueiro Escobar para o Polvorín. Pero os redondeláns non baixaron os brazos e Comis empatou de cabeza aos oito minutos do segundo acto. Fóronse arriba e Cora anotou dous goles consecutivos que deixaron o tres puntos en Redondela. A próxima semana visitan o campo do Céltiga.
Choco: Cortegoso; Nacho, Chisco, Aitor Cañedo (Miguel Fiuza, min. 87), Xian; Comis, Alberto Suárez, Caloi; Gabri, Félix (Davicín, min. 67), e Cora (Zamo, min. 84).
Polvorín: Cacharrón; Varo (Pablo Rei, min. 82), Pedro López, Matías, Manu Mariña (Morais, min. 84); Álex Rei, Javi Rei, Gustavo, Porrúa (Juan Brunet, min. 67); Escobar e Rayco.
Goles: 0-1, min. 23: Escobar; 1-1, min. 53: Comis; 2-1, min. 77: Cora; 3-1, min. 82: Cra.
Primeira Galicia
Arcade 1-2 Domaio
Os de Souotmaior baixan na táboa. A próxima semana xogan no campo do pechacancelas, o Gondomar
Segunda Galicia
Atlético Vilar 0-0 Chaín
Os de Mon Sanromán conseguiron sumar un punto en San Martiño ao Chaín, un dos equipos máis fortes do grupo. O domingo xogarán no campo do Nieto, un dos equipos da parte baixa da táboa.
Moraña 1-1 Cesantes
O Cesantes sumou un punto importante no campo do Moraña, pero non é suficiente para deixar os postos baixos da clasificación. O domingo recibirán ao Noalla, cos do Salnés na metade da táboa.
Terceira Galicia
Matamá 4-1 Chapela
O Chapela non puido facer nada no campo do líder, o Matamá, moi superior aos redondeláns. Máis probabilidades terán de sumar o próximo domingo, reciben ao Pereiró, da parte baixa da táboa.
BALONMÁN División de Honra Prata Feminina
Lavadores 23-14 SAR Rodavigo
As de Chini non foron quen de seguir o ritmo do equipo vigués, moi reforzado esta temporada. A próxima semana reciben ao Sieiro, na parte baixa da táboa.
Seis do Nadal 26-21 Cíes Chapela
As de Chapela seguen sen sumar nesta liga, e xa van cinco derrotas. Esta fin de semana reciben en Chapela ás canarias do Zonzamas.
Primeira Nacional Masculina
Xixón 23-28 Chapela
Os de Fran Teixeira protagonizaron un excelente partido en Xixón, e xa son o 2º equipo do grupo, a tan só un punto do líder, o U. Financiera. A próxima fin de semana volven xogar fóra, pero cun desprazamento moito máis curto, que os enfrontará ao C.Castro.
