Un manancial que o consistorio quere pór en valor a través do seu plan de recuperación do patrimonio histórico local. O alcalde, Agustín Reguera, asinou co vicepresidente da Xunta, Alfonso Rueda, o convenio de colaboración a través do cal se financiarán os 13,609 orzados para a actuación.
Os traballos de rehabilitación xa contan co visto e prace da Secretaría Xeral de Patrimonio e implicarán unha renovación total do conxunto. En primeiro lugar, realizarase unha limpeza de todos os elementos de pedra orixinais para selala posteriormente e evitar fugas e filtracións. A continuación, renovarase todo o solado con pedra granítica e instalarase unha nova escaleira de acceso.
Ademais, instalaranse varias varandas de seguridade nas escaleiras e a fronte do conxunto, un sistema de iluminación baseado en enerxía solar, un banco de pedra, unha fonte bebedoiro de fundición e, para delimitar o conxunto, instalarase un pequeno peche vexetal.
Unha vez recuperado, o conxunto contará cunha sinalización do punto quilométrico da fonte no camiño de Santiago ademais dunha pequena placa identificativa co nome do manancial. Os traballos financiaranse entre o Concello de Soutomaior, que achegará ao redor do 10%, e a Xunta de Galicia, que financiará o 90% restante.
Un iniciativa enmarcada dentro do plan de recuperación do patrimonio histórico que xa levou a recuperar diferentes elementos do patrimonio que se atopaban en mal estado como cruceiros, lavadoiros e fontes até a ponte medieval de Comboa, segundo explicou o alcalde, Agustín Reguera.
