Representantes de Unidas Podemos mantiveron onte unha xuntanza coa Plataforma en Defensa da ensebada de San Simón, representantes das fradías de Arcade e Redondela e da Agrupación de Mariscadoras de Redondela, e tamén con asociacións veciñais que loitan pola protección ambiental e da biodiversidade dun paraxe incluído na Rede Natura 2000. Ao encontro asistiu a eurodeputada Idoia Villanueva e o secretario xeral de Podemos Galicia, Antón Gómez Reino, que amosaron o seu compromiso coa defensa da enseada de San Simón, unha demanda que xa trasladou Podemos á Comisión Europea e que levará agora ao Congreso a través dunha iniciativa parlamentaria.
Para que a Rede Natura se faga efectiva é necesario un plan de xestión para Zonas Especiais de Conservación (ZEC) “que nin a Autoridade Portuaria nin o Goberno de Feijóo puxeron en marcha”. A veciñanza loita desde hai anos pola desafectación completa da enseada para que se converta en dominio público marítimo e terrestre. “As institucións teñen que escoitar á comunidade, que é a mellor coñecedora dos vertidos e do abandono da enseada de San Simón, ademais de habilitar os mecanismos para a protección da mesma”, sostivo Gómez Reino.
