O Castelo consolídase así como activo internacional tras recibir a confirmación de que o xardín pasa a formar parte desta ruta europea, segundo informan dende a Deputación de Pontevedra.
A Deputación acaba de recibir a confirmación de que o seu xardín pasa a formar parte da Ruta Europea de Xardíns Históricos, un dos itinerarios certificados polo Consello de Europa co que se pretende recoñecer o valor histórico, artístico e social dos xardíns de países como España, Portugal, Alemaña, Italia, Grecia, Hungría, Polonia ou Xeorxia. Con este recoñecemento consolídase o Castelo de Soutomaior como un activo internacional no ámbito da oferta turística.
Ademais a fortaleza, que aumentou a súa oferta de actividades coas visitas teatralizadas ou actos puntuais como os recentemente realizados en torno a celebración do Samaín, supera xa as 30.000 visitas este ano e contará en breve cun centro de recepción de visitantes, xa licitado, e iluminación monumental.
