Impulsada pola Asociación de empresarios, esta campaña busca relanzar os sábados de compra nos pequenos negocios locais, animando á veciñanza a facer as súas compras nunha xornada que contará tamén con diferentes propostas nos locais de hostalaría e descontos especiais que permitirán aso clientes facerse con produtos a un prezo máis económico.
Descontos, promocións, outlets, degustacións, sesión vermú na hostalaría e exposición dos produtos nas prazas e rúas serán o reclamo para un sábado especial de compras nos negocios locais que se vivirán o vindeiro día 4 de xuño. “O comercio ábrese a rúa, sacando os seus produtos fóra dos establecementos e facendo ofertas exclusivas para esa xornada”.
Nesta primeira edición participan máis de 60 establecementos que nas vindeiras xornadas irán dando a coñecer as súas ofertas nas páxina web da Asociación de empresarios así como nas redes sociais tanto da asociación como propias.
Este comercios sacará a súa mercadoría a rúa en horario de mañá e tarde. Produtos de todo tipo dende alimentación, agasallos, librerías, ópticas e sobre todo, tendas de moda, xa que será en roupa e calzado onde atoparemos os descontos máis salientables.
