A regata desta fin de semana da Liga Galega de Traiñeiras estivo chea de emoción grazas a rivalidade entre Cabo de Cruz e Chapela que loitaban por desfacer o empate.
A regata correspondía coa VI edición da Bandeira Cidade de Ferrol que se disputou na parte final da ría de Ferrol, coñecida polas súas fortes correntes. Ademais da dificultade que supoñía o mar, as traiñeiras participantes tiveron que facer fronte a seis longos e cinco ciabogas. Toda unha proba de resistencia para as deportistas.
A tripulación de Redondela comezou con ventaxa, pero finalmente o triunfo foi para a traiñeira boirense que que adiantou durante o segundo longo. Cabo da Cruz superou a Chapela con 25 segundos de distancia entre ambas embarcacións. Por detrás de Chapela quedou Tirán sumando 7 puntos a súa clasificación xeral e posicionándose en cuarto luga, moi preto do terceiro posto que pertence a Murgados.
Clasificación xeral da Liga Feminina
1º CR CABO DA CRUZ 52
2º CR CHAPELA – WOFCO 50
3º CM MUGARDOS 38
4º SD TIRÁN – PEREIRA 37
5º CR RIANXO 30
6º CRN RIVEIRA 20
7º CM CASTROPOL 16
8º CR PUEBLA 15
9º CR SALGADO – PERILLO 12
