O Bloque lamenta que se dupliquen os trazados e dende o PP fálase de “precipitación dende o Ministerio” por facer este anuncio cando aínda non tomou posesión o novo goberno da Xunta.
O Ministerio de Fomento publicaba onte no BOE a licitación do último tramo da A-57 entre Vilaboa e Peinador así como a aprobación definitiva do ramal a Vigo. A decisión do departamento que dirixe Magdalena Álvarez é valorada “moi positivamente” dende o goberno local de Redondela.
Os dous grupos que forman o bipartito apostaran dende un primeiro momento pola coñecida como alternativa 5 que nun percorrido de 23 kilómetros comunica o concello de Soutomaior co aeroporto nun trazado que discurre por Arcade e o Viso ata subir polos Valos a Peinado. Xaime Rei afirma que se trata dunha obra “prioritaria” para a comarca que “vai desconxestionar a autoestrada AP-9” e que beneficiará a todos os veciños da vila. Dende o BNG Carlos Pazos aplaude o trazado por entende que servirá de circunvalación ao concello e que permite desbotar definitivamente as variantes. Con todo o nacionalista reitera que “é un gasto innecesario a construcción de dúas autovías practicamente en paralelo” que vai causar importantes afeccións ambientais que “se poderían evitar conectando o último punto deste ramal coa A-52 directamente”.
Xunta do PP
Os populares pola súa banda lamentan a urxencia de Fomento “que non da opción ao novo goberno da Xunta a pronunciarse sobre o vial”. A voceira local dos populares, Francisca Canal lembra que este trazado vai ter numerosas afeccións no municipio “principalmente na parroquia do Viso” e que dende o PP sempre se mantivo o respaldo a outro percorrido, a alternativa 11
Unha autovía cuxos trámites van avanzando da oposición existente entre a cidadanía. Lembramos que foron varias as mobilizacións de protesta celebradas no concello contra este percorrido. Unha manifestacións que ao entender do alcalde careceron de respaldo popular.
