A Asociación de empresarios vén de dar a coñecer os números premiados no sorteo da campaña de Nadal. Uns números que se entregaban aos clientes do comercio local que realizaron as súas compras nalgún dos comercios asociados entre o 9 de decembro e o nove de xaneiro. Uns boletos que nalgúns casos contiñan premios directos, pero que na maior parte portaban un número que lles garantizaba a sú participación neste sorteo de vales de compra.
En total, son 30 as persoas afortunadas e que se fixeron con algún dos premios dotados con 100 euros cada un. Repartíronse 3.000 en vales de compra que se poderán consumir nos establecementos de Redondela.
Os gañadores deberán presentar os boletos premiados na sede da Asociación de Empresarios para poder así retirar o seu premio.
