As conversas de Alén Nós

Vítor Vaqueiro presenta “Facedores de imaxes” un libro sobre os precursores da fotografía en Vigo. “O arquivo Pacheco debería levar o nome de Arquivo Prosperi, Otero e Pacheco” con esta afirmación o fotógrafo, ensaísta e historiador da fotografía Vitor Vaqueiro xa deixa constancia da relevancia de dúas figuras inxustamente descoñecidas como foron o matrimonio formado por Filipo Prosperi e Cándida Otero. Un libro que se presenta este xoves día 2 ás 19:30 horas na Casa da Cultura da man da Asociación Alén Nós.