Santiago de Compostela acolle este domingo unha manifestación convocada pola Plataforma SOS Sanidade Pública. Unha mobilización que busca reivindicar na rúa a necesidade de dotar con máis medios e persoas a sanidade galega. Diferentes formacións políticas súmanse a esta protestas e así, tanto o PSOE de Redondela como o BNG de Soutomaior convidan a veciñanza a facer uso dos autobuses de balde que partirán de cada unha das localidades co obxecto de asistir a esta manifestacións.
No caso de Redondela o PSOE porá un autobús que sairá ás 9:45 horas da mañá dende a Farola con regreso ao rematar a manifestación. Compre anotarse previamente no número de teléfono 670502099
Tamén o BNG de Soutomaior fletará autobuses para esta manifestación. A organización, que tamén levará comitiva propia, quere con isto facilitar a participación da veciñanza da localidade. Os autobuses sairán ás 10:30 do cruce de Pierres. Dende a organización nacionalista pregan que para anotarse en dito autobús, se poñan en contacto con calquera membro da organización ou chamando ao 651 670 870.
