A Alameda de redondela acolleu na tarde de hoxe o debate “A análise política do cambio climático” organizado pola asociación Artelixo no marco das actividades que están a realizar durante toda este semana centrado no cambio climático e no quecemento global. Un debate “amable” o que se vivía na Alameda no que interviñan Javier Bas (PP), Digna Rivas (PSOE), Roberto Villar (AER) e Xoán Carlos González (BNG) e no que se abordaban a cuestión dende un ámbito global pero que deixaba tamén propostas concretas en canto a mobilidade e o transporte, as enerxías renovables ou as políticas forestais, entre outros temas.
