A Garda Civil procedeu á detención dunha muller de 20 anos que durante o período no que traballou coidando a un veciños de Soutomaior lle tería subtraído máis de dez mil euros. A coidadora empregou a tarxeta de crédito do home para facer numerosas compras a través de Internet ao longo de dez meses.
A investigación arrancou en xullo do ano pasado trala denuncia formalizada pola representante da familia do home xa falecido ao comprobar que as contas non cadraban. A Garda Civil iniciou entón unha investigación detectando numerosas compras fraudulentas de produtos e servizos, que a agora detida pagaba mediante transferencias electrónicas.
A muller está acusada dun delito de estafa agravado xa que se valeu da súa profesión de coidadora da vítima para facerse coa súa tarxeta de crédito.
