Almudena Suárez Cerviño fálanos de María Andresa Casamayor, matemática e mestra de Zaragoza, primeira muller da que se ten noticia que publicou un libro de tema científico en España. Iso si, tivo que facelo agochando a súa identidade baixo un pseudónimo masculino: Casandro Mamés de La Marca y Araioa, unha sinatura que é un anagrama perfecto, é dicir, as mesmas letras pero en distinta orde, do seu nome completo.
