As festas da Coca volvían deixar en Redondela alfombras florais e a tradicional Danza das espadas e as penlas que, como é habitual, repetíase no último día das festas, pero nesta ocasión ademais de bailarse na praza de Ribadavia tamén congregaba a centos de persoas na praza de Ponteareas que se recuperou así como escenario no que gozar deste baile tradicional.
Logo de anos de ausencia, a recentemente remodelada praza de Ponteareas recuperaba este domingo a danza das espadas e as penlas. Había expectación por ver esta baile nun espazo que facilita a presenza de público ao ter forma de anfiteatro. Un público que vivíu tamén un momento de tensión cando unha das penlas se precipitou ao chan debido a rotura dun dos lazos que a Burra agarra para evitar calquera incidencia pero que nesta ocasión fallou. Afortunadamente a rapaza recuperouse e foi quen, malia a caída, de volver subir a Burra e bailar na praza de Ribadavia.
