O adestrador vigués Alberto Matilla, con pasado en Beade, Leis e tamén como seleccionador da categoría Alevin de Vigo, será o encargado de guiar a a equipa en Terceira División. Durante esta nova tempada 2023/2024 oo Pazos debuta na Copa do Rei e volve xogar a Copa Galicia.
En palabras do novo adestrador “estou moi ilusionado coa miña chegada a Pazos, con traballo e esforzo intentaremos continuar cos bos resultados destes últimos anos”. Para o técnico é un reto aportar o seu gran de area “na consolidación deste proxecto que tantos anos leva funcionando ben gracias ao traballo de directivos , adestradores e xogadores unidos á gran afección que hai en Pazos “ .
Para Fran Amoedo, director deportivo do clube, a chegada de Matilla “supón unha alegría porque fichan a un gran adestrador e sobre todo a unha gran persoa”. Engade que “as negociacións foron moi sinxelas, xa que a vontade das dúas partes era entenderse”.Queren agradecer a o novo adestrador a súa confianza e “desexarlle toda a sorte do mundo”.
Nos vindeiros dias anunciarán mais novidades en forma de corpo técnico, renovacións ou fichaxes.
