A concelleira de Medio Ambiente, Pilar Martínez e o concelleiro de sustentabilidade, Roberto Villar, solicitan á cidadanía a que colaboren adoptando animais de compañía que están a seren rescatados das rúas. O último caso é o dunha gata que foi recollida logo de que uns peregrinos alertaran da súa presenza e que, tras pasar por unha clínica veterinaria e recuperarse, está xa en condicións de entregarse a unha familia responsable para o seu coidado.
Dende o Concello afirman que o seu obxectivo a medio prato é contar cun refuxio en Redondela pero insisten en que a adopción é imprescindible para poder darlle a eses animais un fogar en condicións “se a veciñanza on vota unha man é moi complicado xestionar a recollida de animais, é preciso que eses animais unha vez recuperados pasen a mans das familias”.
Villar lembra ás persoas interesadas en adoptar un gato que se poñan en contacto co concello (986 400300) e que o animal seralles entregado “esterilizado, coas vacinas necesarias e incluso con comida para os primeiros días”
A concelleira de sanidade alerta dos problemas sanitarios que pode conlevar a existencia de camadas e animais abandonados –parasitos, enfermidades- e insiste na necesidade da castración xa que ao non estaren esterilizados iso supón un incremento exponencial de gatos na rúa.
