Naturais, elaborados co leite das vacas da súa propia granxa e con sabores tan galegos como o licor café, a torta de Santiago ou o viño da Ribeira Sacra. Así son os xeados de Xeou!, unha marca que naceu en Portomarín en 2019 da man dunha cooperativa agraria familiar. Manuel Arias pensa que é un erro imitar en Galicia a industria láctea intensiva de países como Holanda, e que os gandeiros do país deben apostar por darlle valor engadido ao seu leite.
