Entrega premios Obradoiro de Estudos locais

A XVIII edición dos premios de fotografía do Obradoiro de Estudos Locais Fernando Monroy de Cesantes xa ten gañador. A mellor fotografía para o xurado deste ano foi a presentada por Sergio Lorenzo Ramilo que leva por título “Tras la tormenta” e que presenta un cabalo branco en primeiro plano.

Os premios, nos que se recoñecen outras cinco imaxes correspondentes ás categoría de adultos e xuvenil, serán entregados este sábado 2 de decembro ás 18:00 horas no Círculo Cultural de Cesantes nun acto aberto a todo o público que queira achegarse. Todas as fotografías participantes no concurso quedarán expostas no Círculo.