Un cento de veciños asistiron na xornada de onte ao pleno municipal no que a recén creada Plataforma Vecinal tomou a palabra para denunciar o mal estado da parroquia e reclamar diferente melloras, centradas principalmente no arranxo de estradas e camiños.
Rosa Pérez, unha das voceiras do colectivo, foi a encargade de ler un texto no que insistiu no mal estado dos viais e na falta de resposta do goberno local aos seus escritos “presentados de xeito reiterado reclamando melloras para a parroquia”.
Centrou boa parte da súa intervención na situación das obras de humanización na Subida a Cidadelle que se iniciaron hai nove meses cun prazo de execución de catro meses pero que se atopan sen rematar. Actuación que coincide ademais con obras no camiño de Mouriño o que dificulta enormemente o acceso á zona alta de Chapela.
Os veciños cualificaron aos gobernantes de “inoperantes” e esixiron que se poñan en marcha ademais das obras “vías alternativas que faciliten o día a día dos veciños”. Neste sentido apuntaban a posibilidade de acondicionar o camiño da Avispeira “unha opción viable e que resolvería parte dos problema de mobilidade actual polas obras de Mouriño e Cidadelle.
Finalizou a súa intervención facendo un chamamento á unión da veciñanza.
