Nesta nova entrega da sección Carreira de Fondo falamos con Xulia Daviña (Redondela), graduada en Dereito e no Máster en Avogacía Internacional pola Universidade Complutense de Madrid. Falamos do seu proceso académico e do seu traballo: A influencia das minorías nacionais dentro da Unión Europea Explicado a través do caso do ‘Xeito’.
Ao longo deste traballo foi analizando os posibles mecanismos polos cales a Unión Europea dá voz ás minorías nacionais. Tamén analizou as razóns que sosteñen estes mecanismos e como ao longo do tempo tanto as razóns como os métodos evolucionaron.
A pesar de estudar en Madrid, a morriña e o seu interese por temas que afectan a toda a cidadanía levouna traballar sobre unha técnica de pesca galega en perigo de “extinción” como é o Xeito.
No futuro quere ser xuíza co soño de defender os dereitos das persoas.
