Na vindeira tempada Arcade e Soutomaior militarán na mesma categoría unha vez que o Soutomaior, tras a vitoria desta fin de semana, logra o ascenso matemático. O Arcade continuará na mesma categoría consolidado nos postos medios da táboa.
Unha fin de semana de celebracións para os seguidores do Soutomaior que confirmaban o seu ascenso tras vencer ao Xil e a tan só dúas xornadas do peche da competición na Segunda Galicia.
Xil 0-5 Soutomaior
O equipo pasa a primeira autonómica tras gañar o encontro disputado esta fin de semana por un contundente 0-5 ante o Xil, equipo da parte baixa da clasificación. Malia o ascenso matemático aínda por diante novas citas que na vindeira semana os van levar ao campo do Cobres.
Un ascenso que na vindeira tempada deixará interesantes derbis, xa que o Arcade mantense nesa categoría.
Pontellas 0-2 Arcade
Vitoria previsible para o C.D. Arcade que visitaba o campo do pechacancelas do grupo. Nunha cómoda décima praza na vindeira semana reciben ao Moraña.
Cesantes 4-6 Sanxenxo
Peor lle van as cousas ao CD Cesantes, equipo de Segunda Galicia que continúa de pechacancelas do grupo despois de perder na súa visita ao campo do Sanxenxo.
